پی ایس ایل سیزن 9 کا آغاز 18 فروری سے لاہور سے ہونے جا رہا ہے اور اسی سلسلے میں کھلاڑیوں کی اکھاڑ بچھاڑ بھی جاری ہے۔ جہاں کئی کھلاڑیوں نے اپنے گھونسلے بدل لیے ہیں وہیں 20 سالہ واسٹ باؤلر نسیم شاہ نے بھی کوئٹہ گلیڈی ایٹرز کو خیرباد کہہ کر اسلام آباد یونائیٹڈ کو جائن کرلیا ہے۔
بتایا گیا ہے کہ کئی فرنچائزز نسیم کو ان کی فین فالوونگ کو دیکھتے ہوئے سائن کرنے میں دلچسپی رکھتی تھیں لیکن اسلام آباد یانائٹڈ انہیں خریدنے میں کامیاب ہو گئی ہے۔ بتایا گیا ہے کہ نسیم شاہ کو اسلام آباد یانائیٹڈ سے پی ایس ایل کھیلنے کا معاوضہ ساڑھے 4 کروڑ روپے ملے گا۔ ہر میچ میں ملنے والی انعامی رقم وغیرہ اس سے الگ ہوتی ہے۔
واضح رہے کہ پی سی بی نے فرنچائزز کو دو شیڈول بھیجے ہیں ایک 4 وینیوز کے ساتھ اور دوسرا 2 وینیوز کے ساتھ۔ پہلا میچ لاہور قلندرز اور اسلام آباد یونائیٹڈ کے درمیان شیڈول ہے، ایونٹ کا آغاز 18 فروری سے لاہور میں ہوگا۔ اس وقت شدید سرد موسم اور دھند کا امکان ہے، اس لیے بعض حلقوں نے ایونٹ کراچی میں شروع کرنے اور پھر موسم بہتر ہونے تک پنجاب منتقل کرنے کا مشورہ دیا ہے۔ مزید برآں پشاور زلمی نے پی سی بی سے مطالبہ کیا ہے کہ ٹیم کے میچز ہوم وینیوز پر کرائے جائیں۔