پی ایس ایل 10 کے پلیئرز ڈرافٹ کی میزبانی پہلی بار گوادر کرے گا
لاہور:پاکستان سپر لیگ (پی ایس ایل) کے 10ویں سیزن کے پلیئرز ڈرافٹ کی میزبانی پہلی بار بلوچستان کے خوبصورت ساحلی شہر گوادر میں ہوگی۔ یہ تقریب 11 جنوری 2025 کو منعقد کی جائے گی۔
پاکستان کرکٹ بورڈ (پی سی بی) نے بتایا کہ پلیئرز ڈرافٹ کا انعقاد گوادر جیسے خوبصورت اور اہم شہر میں ہوگا۔ اس فیصلے کا مقصد گوادر کی ثقافتی اور اقتصادی اہمیت کو نمایاں کرنا ہے۔
چیئرمین پی سی بی محسن نقوی نے کہا گوادر اپنی شاندار ساحلی پٹی اور اسٹریٹجک اہمیت کے ساتھ پاکستان کے روشن مستقبل کی علامت ہے۔ یہاں پی ایس ایل ڈرافٹ منعقد کرنے کا مقصد اس کی اہمیت کو دنیا کے سامنے پیش کرنا ہے۔
انہوں نے مزید کہا کہ وہ تمام فرنچائزز اور اسٹیک ہولڈرز کو 11 جنوری کو گوادر میں خوش آمدید کہنے کے منتظر ہیں۔
پی ایس ایل کے چیف ایگزیکٹو سلمان نصیر کا کہنا تھا گوادر کو پلیئرز ڈرافٹ کے لیے منتخب کرنا ہمارے عزم کو ظاہر کرتا ہے کہ ہم پی ایس ایل کو پاکستان کے ہر حصے تک لے جانا چاہتے ہیں اور دنیا کو پاکستان کی خوبصورتی دکھانا چاہتے ہیں۔
پی سی بی نے تقریب کے وقت اور مقام کے بارے میں تفصیلات ابھی جاری نہیں کیں۔ کھلاڑیوں کی ریٹینشن اور ریلیگیشن کا اعلان دسمبر کے آخر میں کیا جائے گا۔
اسلام آباد: وفاقی کابینہ نے متفقہ طور پر مذہبی جماعت تحریک لبیک پاکستان (ٹی ایل پی) کو انسدادِ دہشتگردی ایکٹ…
اسلام آباد پولیس کے سینئر افسر ایس پی انڈسٹریل ایریا عدیل اکبر کی مبینہ خودکشی کی خبر نے دارالحکومت کی…
فرانسیسی پولیس نے منگل کے روز اُن چوروں کی تلاش تیز کر دی جنہوں نے لوور میوزیم سے قیمتی شاہی…
اسلام آباد (ایم وائے کے نیوز ٹی وی) ترجمان دفتر خارجہ شفقت علی خان نے ہفتہ وار پریس بریفنگ کے…
وفاقی وزیر توانائی اویس لغاری نے ایک بڑے انکشاف میں بتایا ہے کہ پاکستان آئندہ دو ماہ میں توانائی کے…