بنگلادیش کی تاریخی فتح، راولپنڈی ٹیسٹ میں پاکستان کو 10 وکٹوں سے شکست

بنگلادیش کی تاریخی فتح، راولپنڈی ٹیسٹ میں پاکستان کو 10 وکٹوں سے شکست

راولپنڈی: بنگلادیش نے راولپنڈی ٹیسٹ میں پاکستان کو 10 وکٹوں سے شکست دے کر ایک تاریخی کامیابی حاصل کر لی ہے۔ بنگلہ دیشی ٹیم نے پاکستان کے خلاف اپنی صلاحیتوں کا لوہا منواتے ہوئے نہ صرف ٹیسٹ میچ جیتا بلکہ سیریز میں بھی اہم برتری حاصل کرلی۔

راولپنڈی ٹیسٹ کے آخری روز پاکستان کی بیٹنگ لائن مکمل طور پر ناکام ثابت ہوئی۔ دن کا آغاز ایک وکٹ کے نقصان پر کیا گیا، لیکن کپتان شان مسعود اور دیگر بلے باز بنگلہ دیشی بالرز کے سامنے بے بس نظر آئے۔ محمد رضوان نے مزاحمتی اننگز کھیلی، جس میں انہوں نے 51 رنز بنائے، تاہم دیگر بلے بازوں کی ناکامی کی وجہ سے پاکستانی ٹیم محض 146 رنز پر ڈھیر ہوگئی۔

پاکستانی ٹیم کے 29 رنز کی برتری کے باوجود بنگلہ دیشی اوپنرز نے کسی بھی قسم کا دباؤ محسوس نہیں کیا اور صرف 30 رنز کا ہدف بغیر کسی نقصان کے حاصل کر لیا۔ اوپنرز ذاکر حسن اور شادمان اسلام نے بہترین کھیل کا مظاہرہ کرتے ہوئے اپنی ٹیم کو فتح دلائی۔بنگلہ دیش کی

بنگلہ دیش نے اپنی پہلی اننگز میں 565 رنز بنائے، جس میں شادمان اسلام، مومن الحق، اور مشفق الرحیم نے شاندار کارکردگی کا مظاہرہ کیا۔ پاکستانی بالرز کے لئے بنگلہ دیش کے بلے بازوں کو روکنا مشکل ثابت ہوا، اور مہمان ٹیم نے 117 رنز کی برتری حاصل کر لی۔

پاکستان کی بیٹنگ لائن پہلے روز ہی مشکلات کا شکار رہی تھی، جب ٹیم نے صرف 16 کے مجموعی اسکور پر 3 وکٹیں گنوادیں۔ تاہم، صائم ایوب اور سعود شکیل نے کچھ مزاحمت کی اور ٹیم کو مشکلات سے نکالا، لیکن پاکستانی ٹیم بڑی برتری حاصل کرنے میں ناکام رہی۔

بنگلہ دیش کے کپتان نجم الحسن شانتو نے ٹاس جیت کر پہلے فیلڈنگ کا فیصلہ کیا، اور اوور کاسٹ کنڈیشنز کا فائدہ اٹھاتے ہوئے پاکستانی بیٹنگ لائن کو جلدی دباؤ میں لانے کی کوشش کی۔ بارش کی وجہ سے کھیل کا آغاز تاخیر سے ہوا، لیکن بنگلہ دیشی ٹیم نے صورتحال کو اپنے حق میں استعمال کیا۔