عمرہ ادائیگی، سعودی عرب نے کئی ممالک کے لیے ویزا کی شرط ختم کر دی

سعودی عرب نے عمرہ کی ادائیگی کے لیے متعدد ممالک کے لیے ویزا کی شرط ختم کر دی۔جنگ اخبار کی رپورٹ کے مطابق سعودی عرب نے جن ممالک کے ویزا ہولڈرز کے لیے یہ سہولت دی ہے ان میں یورپی یونین ، برطانیہ اور ریاست ہائے متحدہ شامل ہیں۔یعنی کہ اگر آپ امریکا، برطانیہ یا یورپی یونین کے شہری اور مسلمان ہیں تو آپ کو سعودی وزارت برائے حج و عمرہ نے ویزے سے مستشنیِ قرار دیا ہے۔
سعودی وزارت برائے حج و عمرہ کے اعلان کے بعد یورپی یونین ، برطانیہ اور ریاست ہائے متحدہ کے مستقل رہائشی ویزا کے بغیر عمرہ ادا کر سکیں گے۔ان ممالک کے افراد کے فرسٹ ڈگری رشتے دار بھی اس سہولت سے مستفید ہو سکیں گے۔نئی پالیسی کے تحت عمرہ کے اہل افراد آسانی سے نسک ایپلیکشن کے ذریعے عمرہ کی منصوبہ بندی کر سکتے ہیں۔سعودی عرب پہنچنے پر موقع پر ہی انتخاب اور فیصلہ کر سکتے ہیں۔
سعودی عرب کی نئی پالیسی مذکورہ ممالک سے آنے والے سیاحوں پر بھی لاگو ہوگی۔یہ قدم سعودی عرب کے وژن ۲۰۳۰ کے تحت اٹھایا گیا۔سعودی عرب کی جانب سے اٹھائے گئے ان نئے اقدامات کا مقصد عمرہ زائرین کے لیے آسانیاں پیدا کرنا ہے اور مغربی ممالک کے مسلمانوں میں ثقافتی اور مذہبی رجحان کو بھی بڑھانا ہے۔