کس ملک کے باشندوں نے سب سے زیادہ روضہ رسولﷺ کی زیارت کی؟

کس ملک کے باشندوں نے سب سے زیادہ روضہ رسولﷺ کی زیارت کی؟

مدینہ منورہ:مسجد نبویؐ کی انتظامیہ نے دنیا بھر سے روضہ رسول ﷺ کی زیارت کے لیے آنے والے زائرین کے تازہ اعداد و شمار جاری کر دیے ہیں۔
اعداد و شمار کے مطابق، اسلامی سال کے پہلے تین ماہ میں 14 لاکھ 86 ہزار 880 سے زائد افراد نے مسجد نبویؐ اور روضہ رسول ﷺ کی زیارت کی۔
سب سے زیادہ زائرین انڈونیشیا سے آئے، جن کی تعداد 4 لاکھ 49 ہزار 696 رہی۔ پاکستان سے 2 لاکھ 87 ہزار 793، بھارت سے 1 لاکھ 79 ہزار 52، عراق سے 1 لاکھ 22 ہزار 557، اور بنگلہ دیش سے 76 ہزار 940 افراد نے مسجد نبویؐ کا رخ کیا۔
رواں سال عمرہ سیزن کے دوران زائرین کی تعداد میں نمایاں اضافہ دیکھا گیا۔
انتظامیہ نے زائرین کی صحت اور سلامتی کے لیے خصوصی اقدامات کیے ہیں تاکہ وہ پرسکون اور محفوظ ماحول میں اپنی عبادات کر سکیں۔
مسجد نبویؐ کی انتظامیہ نے اس بات پر زور دیا کہ زائرین کی بہتر رہنمائی اور سہولتوں کی فراہمی کے لیے خصوصی انتظامات کیے گئے ہیں، تاکہ دنیا کے مختلف حصوں سے آنے والے افراد اپنے روحانی سفر کو بہتر انداز میں مکمل کر سکیں۔
یہ اقدامات زائرین کے لیے نہایت اہمیت رکھتے ہیں تاکہ وہ مسجد نبویؐ کی برکتوں سے پوری طرح مستفید ہو سکیں۔