برطانیہ میں منکی پاکس کے ’کلیڈ ایل بی‘ ویرینٹ کے آٹھوے کیس کی تصدیق

برطانیہ میں منکی پاکس کے ’کلیڈ ایل بی‘ ویرینٹ کے آٹھوے کیس کی تصدیق

برطانیہ کی ہیلتھ سیکیورٹی ایجنسی (یو کے ایچ ایس اے) نے کہا ہے کہ انگلینڈ میں منکی پاکس کے ’کلیڈ ایل بی‘ ویرینٹ کا ایک نیا کیس سامنے آیا ہے۔ یہ گزشتہ سال اکتوبر کے بعد سے ملک میں رپورٹ ہونے والا آٹھواں کیس ہے۔

یو کے ایچ ایس اے کے مطابق، یہ نیا کیس لندن میں ایک ایسے مریض میں پایا گیا ہے جو حال ہی میں یوگینڈا سے واپس آیا تھا۔ یوگینڈا میں اس قسم کے وائرس کی کمیونٹی ٹرانسمیشن دیکھی جا رہی ہے۔ تاہم، اس کا انگلینڈ میں پہلے رپورٹ ہونے والے کیسز سے کوئی تعلق نہیں ہے۔

سرکاری ادارے کا کہنا ہے کہ آبادی کے لیے خطرہ کم ہے۔ ’کلیڈ ایل بی‘ وائرس کی ایک نئی شکل ہے، جس کا تعلق اگست میں ڈبلیو ایچ او کی طرف سے اعلان کردہ عالمی صحت کی ہنگامی صورتحال سے ہے۔

یو کے ایچ ایس اے نے کہا کہ افریقہ کے کچھ حصوں میں وائرس کے پھیلاؤ کو دیکھتے ہوئے، برطانیہ میں کبھی کبھار ’کلیڈ ایل بی‘ منکی پاکس کے درآمد شدہ کیسز دیکھنے کو مل سکتے ہیں۔

پہلا کیس اکتوبر میں لندن میں سامنے آیا تھا۔ اس کے بعد کے تین کیسز میں مریض کے گھریلو رابطوں میں شامل افراد متاثر ہوئے تھے۔ اکتوبر میں لیڈز میں پانچواں کیس رپورٹ ہوا تھا، جبکہ جنوری میں باقی کیسز کا پتا چلا تھا۔