2024 میں موسمیاتی آفات کی وجہ سے 24 کروڑ 20 لاکھ بچوں کی تعلیم متاثر ہوئی، یونیسیف
اقوام متحدہ کے ادارہ برائے اطفال (یونیسیف) کی ایک حالیہ رپورٹ کے مطابق، 2024 میں موسمیاتی آفات جیسے ہیٹ ویو، طوفان، آندھیاں، سیلاب اور خشک سالی نے 85 ممالک میں 24 کروڑ 20 لاکھ سے زیادہ بچوں کی تعلیم کو شدید متاثر کیا۔
رپورٹ میں کہا گیا ہے کہ یہ پہلا موقع ہے جب موسمیاتی آفات کے اثرات پر تفصیل سے بات کی گئی ہے، جس میں بتایا گیا ہے کہ ان آفات کی وجہ سے اسکول بند ہوئے یا ان کے شیڈول میں بڑی رکاوٹیں آئیں، جس سے بچوں کی تعلیم متاثر ہوئی، خاص طور پر پری پرائمری سے اپر سیکنڈری تک کے طلبہ۔
رپورٹ کے مطابق، سب سے زیادہ متاثر ہونے والا خطہ جنوبی ایشیا رہا، جہاں 12 کروڑ 80 لاکھ طلبہ کی تعلیم متاثر ہوئی۔ اس کے بعد مشرقی ایشیا اور بحرالکاہل کا خطہ رہا، جہاں 5 کروڑ بچوں کی تعلیم متاثر ہوئی۔
موسمیاتی تبدیلیوں کے اثرات افریقہ میں بھی شدید ہیں۔ مشرقی افریقہ میں بارشوں اور سیلاب کے باعث بحران آیا جبکہ جنوبی افریقہ کے بعض حصے خشک سالی کا سامنا کر رہے ہیں۔
موسمیاتی تبدیلیوں کی وجہ سے بڑھتا درجہ حرارت، طوفان اور سیلاب نہ صرف اسکولوں کی عمارات کو نقصان پہنچاتے ہیں، بلکہ بچوں کے اسکول جانے کے راستوں کو بھی متاثر کرتے ہیں، جس سے تعلیم کا ماحول غیر محفوظ ہو جاتا ہے اور بچوں کی ذہنی و جسمانی صحت پر منفی اثرات مرتب ہوتے ہیں۔
اسکولوں کی طویل بندش بچوں کی تعلیم میں خلل ڈالتی ہے اور ان کے لیے اسکول واپس جانا مشکل بنا دیتی ہے، جس کے نتیجے میں چائلڈ لیبر اور کم عمری کی شادی کا خطرہ بڑھ جاتا ہے۔
رپورٹ میں یہ بھی بتایا گیا ہے کہ لڑکیاں موسمیاتی آفات کے دوران زیادہ متاثر ہوتی ہیں، انہیں اسکول چھوڑنے اور صنفی بنیاد پر تشدد کا سامنا کرنا پڑتا ہے۔
دنیا بھر میں تعلیم پہلے ہی کئی مسائل کا شکار تھی جیسے تربیت یافتہ اساتذہ کی کمی، کم گنجائش والے کلاس رومز، اور تعلیمی معیار میں کمی۔ موسمیاتی تبدیلیوں نے ان مسائل کو مزید بڑھا دیا ہے۔
رپورٹ میں کہا گیا کہ 2024 میں متاثر ہونے والے طلبہ میں سے 74 فیصد کم آمدنی والے ممالک سے تھے، لیکن کوئی بھی خطہ اس سے محفوظ نہیں رہا۔
ستمبر 2024 میں اٹلی میں موسلا دھار بارشوں اور سیلاب نے 9 لاکھ بچوں کی تعلیم متاثر کی، جبکہ اسپین میں اکتوبر میں 13 ہزار بچوں کی کلاسز معطل ہو گئیں۔
رپورٹ میں کہا گیا کہ تعلیم میں موسمیاتی آفات کے اثرات سے نمٹنے کے لیے سہولتیں ناکافی ہیں اور موسمیاتی تبدیلیوں کے حوالے سے تعلیم کے شعبے میں سرمایہ کاری نہ ہونے کے برابر ہے۔
اسلام آباد: وفاقی کابینہ نے متفقہ طور پر مذہبی جماعت تحریک لبیک پاکستان (ٹی ایل پی) کو انسدادِ دہشتگردی ایکٹ…
اسلام آباد پولیس کے سینئر افسر ایس پی انڈسٹریل ایریا عدیل اکبر کی مبینہ خودکشی کی خبر نے دارالحکومت کی…
فرانسیسی پولیس نے منگل کے روز اُن چوروں کی تلاش تیز کر دی جنہوں نے لوور میوزیم سے قیمتی شاہی…
اسلام آباد (ایم وائے کے نیوز ٹی وی) ترجمان دفتر خارجہ شفقت علی خان نے ہفتہ وار پریس بریفنگ کے…
وفاقی وزیر توانائی اویس لغاری نے ایک بڑے انکشاف میں بتایا ہے کہ پاکستان آئندہ دو ماہ میں توانائی کے…