مہنگی بجلی کیوں خریدیں۔۔سپریم کورٹ میں درخواست

مہنگی بجلی کیوں خریدیں۔۔سپریم کورٹ میں درخواست
شیخوپورہ: آئی پی پیز سے بجلی خریدنے کے معاہدوں کی منسوخی کیلئے سپریم کورٹ میں درخواست دائر کی ہے۔چیئرمین تحریک انصاف (نظریاتی) اختر اقبال ڈار نے پریس کانفرنس میں کہاکہ آئی پی پیز سے بجلی مہنگے داموں خریدنے کیخلاف سپریم کورٹ میں درخواست دائر کی گئی ہے ،انہوں نے مزیدکہاہے کہ امیرجماعت اسلامی حافظ نعیم الرحمان، مصطفیٰ کمال، گوہر اعجاز رٹ پٹیشن میں ہمارا ساتھ دیں آئی پی پیز سے معاہدے گھناؤنا گندا فعل ہیں جو پاکستان کو دیمک کی طرح چاٹ رہے ہیں۔
چیئرمین پی ٹی آئی (نظریاتی)نے کہا کہ چیف جسٹس پاکستان سے استدعا ہے کہ رٹ پٹیشن کو انسانی بنیادی حقوق مفاد عامہ اور پاکستان کے مقدمے کے طور پر فوری سماعت کیلئے مقرر کیا جائے آئی پی پیز کو ہونے والی کیپسٹی پیمنٹ پر بھی حکم امتناعی جاری کیا جائے۔انہوں ںے کہا کہ آئی پی پیز کو گارنٹی دینے، گارنٹی لینے والے بھی حکمران ہیں اور پاور پلانٹ لگانے والے بھی حکمران ہیں،
سرکاری افسران کیلئے مفت بجلی، گیس اور پٹرول کے کلچر کو فوری ختم کیا جائے، آئی پی پیزتمام مالکان کو انصاف کےکٹہرے میں لاکر لوٹی ہوئی تمام رقم قومی خزانے میں واپس جمع کرائی جائے۔