سپریم کورٹ کے آئینی بینچ نے آرمی چیف کی مدتِ ملازمت میں توسیع کے خلاف دائر درخواست کی سماعت کے لیے 20 نومبر کی تاریخ مقرر کر دی ہے۔ یہ درخواست محمود اختر نقوی نے دائر کی ہے،
جسٹس امین الدین خان کی سربراہی میں 7 رکنی آئینی بینچ اس کیس کی سماعت کرے گا، جو اس بات کا جائزہ لے گا کہ آیا آرمی چیف کی مدت میں توسیع آئین و قانون کے مطابق ہے یا نہیں۔
واضح رہے کہ وفاقی کابینہ نے وزیراعظم شہباز شریف کی زیرصدارت ہونے والے اجلاس میں آرمی ایکٹ میں ترمیم کا بل پیش کرنے کی منظوری دی تھی، جس کے ذریعے تمام سروسز چیفس کی مدتِ ملازمت کو 5 سال کرنے کی منظوری دی گئی۔
نعدازاں سینیٹ سے بھی یہ بل کثرت رائے سے منظور ہو گیا۔ اس کے بعد محمود اختر نقوی نے سپریم کورٹ میں اس توسیع کے خلاف درخواست دائر کی، جس کے نتیجے میں اب عدالت یہ فیصلہ کرے گی کہ آیا یہ ترمیم آئین کے مطابق ہے یا نہیں۔
