اسلام آباد کی ڈسٹرکٹ اینڈ سیشن کورٹ کے جج مبشر حسن نے وزیراعلیٰ خیبرپختونخوا علی امین گنڈاپور کے خلاف اسلحہ اور شراب برآمدگی کیس کی سماعت کی۔ عدالت نے ان کے خلاف جاری گرفتاری کے وارنٹس کو برقرار رکھتے ہوئے انہیں عدالت میں پیش ہونے کا حکم دیا ہے
دوران سماعت، جج نے استفسار کیا کہ علی امین گنڈاپور کے خلاف جاری کردہ وارنٹ گرفتاری کی تعمیل کا کیا بنا؟ یعنی پولیس نے ان کے گرفتاری کے احکامات پر عمل درآمد کیا یا نہیں؟
عدالت نے پولیس سے تعمیلی رپورٹ طلب کرتے ہوئے سماعت کو 23 نومبر تک ملتوی کر دیا۔
