واشنگٹن: سائنسدانوں نے حال ہی میں دریافت ہونے والی ایک نئی مینڈک کی قسم کا نام مشہور ہالی ووڈ اداکار لیونارڈو ڈی کیپریو کے نام پر رکھ دیا ہے۔ جبکہ اس کا سائنسی نام فائلوناسٹیس ڈی کیپریوئی ہے۔ یہ منفرد مینڈک ایکواڈور کے صوبے ایل اورو کے مغربی پہاڑی جنگلات میں پایا جاتا ہے۔ جسامت کے لحاظ ست یہ عام مینڈکوں کے مقابلے میں چھوٹا ہے جبکہ رنگت کتھئی اور جسم پر گہرے رنگ کے دھبے ہیں۔ اس کا مسکن 1330 سے 1705 میٹر پر گھنے جنگلات ہیں
اس مینڈک پر کیتھولک یونیورسٹی آف ایکواڈور، نیشنل انسٹی ٹیوٹ آف بائیو ڈائیورسٹی اور سان فرانسسکو یونیورسٹی آف کوئیٹو (USFQ) نے تحقیق کی۔ لیونارڈو ڈی کیپریو کے ماحولیاتی تحفظ کے لیے کام کو سراہتے ہوئے سائنسدانوں نے یہ اعزازی طور مینڈک کا نام ان کے نام پر رکھا ہے۔
