اسپیس اینڈ اپر ایٹماسفئیر ریسرچ کمیشن (سپارکو) نے رمضان المبارک کے چاند کی رویت سے متعلق اہم پیشگوئی کردی ہے۔سپارکو کے ترجمان کے مطابق، پاکستان میں رمضان المبارک کا آغاز 2 مارچ 2025 سے ہونے کا امکان ہے۔ نیا پاکستانی وقت کے مطابق چاند 28 فروری 2025 کو صبح 5 بج کر 45 منٹ پر پیدا ہوگا 28 فروری کو غروبِ آفتاب کے وقت چاند کی عمر صرف 12 گھنٹے ہوگی، جس کے باعث پاکستان میں چاند نظر آنے کے امکانات کم ہیں۔ تاہم، سعودی عرب میں 28 فروری کو چاند نظر آنے کا امکان ہے، جس کے مطابق وہاں رمضان یکم مارچ سے شروع ہوسکتا ہے۔
سپارکو کے مطابق، شوال کا چاند 30 مارچ 2025 کو نظر آنے کی توقع ہے، جس کا مطلب ہے کہ پاکستان میں عید الفطر 31 مارچ 2025 کو ہوسکتی ہے۔سپارکو نے واضح کیا کہ رمضان کے چاند کی حتمی رویت اور اعلان کا اختیار رویتِ ہلال کمیٹی کے پاس ہے، جو ملک بھر میں چاند دیکھنے کے بعد باضابطہ اعلان کرے گی۔
