لاہور پولیس کا خواتین سے متعلق نیا حکم نامہ، بڑی پابندی عائد

لاہور پولیس کا خواتین سے متعلق نئے ایس او پیز کا اجرا لاہور پولیس نے خواتین کے تحفظ اور تھانوں میں ان کے ساتھ برتاؤ سے متعلق نئے ضابطۂ کار جاری کیے ہیں۔ اہم نکات: نئے ایس او پیز کے مطابق خواتین کو غروبِ آفتاب کے بعد تھانوں میں موجود رکھنے سے گریز کرنے کی ہدایت کی گئی ہے۔ خواتین کو کوشش کرکے سورج غروب ہونے سے پہلے تھانے سے روانہ کرنے کا کہا گیا ہے۔ ہنگامی صورتحال میں کسی خاتون کو رات کے وقت تھانے میں رکھنے کے لیے متعلقہ اعلیٰ افسر کی منظوری ضروری ہوگی۔ خواتین سے متعلق قانونی کارروائیاں حتی الامکان دن کی روشنی میں مکمل کرنے کی ہدایت کی گئی ہے۔ مدعی یا ملزمہ خاتون کو غروبِ آفتاب کے بعد تھانے طلب نہ کرنے کا حکم دیا گیا ہے۔ شکایت کنندہ خواتین کی درخواستیں فوری سننے اور ترجیحی بنیادوں پر کارروائی کرنے کی ہدایت کی گئی ہے۔ حکام کے مطابق یہ اقدامات خواتین کے تحفظ، وقار اور سلامتی کو یقینی بنانے کے لیے کیے گئے ہیں۔ Lahore Police کے ڈی آئی جی آپریشنز نے تمام ایس پیز اور ایس ایچ اوز کو ان ہدایات پر عمل درآمد کے احکامات جاری کیے ہیں۔