برطانیہ میں گرمی کی پانچویں لہر، درجہ حرارت 35 ڈگری سے تجاوز کرگیا
لندن: برطانیہ میں گرمی کی پانچویں لہر کے دوران درجہ حرارت 30 ڈگری سینٹی گریڈ سے تجاوز کرگیا، جبکہ رواں سال 30 ڈگری سے زائد درجہ حرارت والے دنوں کی تعداد 1995 کا ریکارڈ توڑ گئی۔
میڈیا رپورٹس کے مطابق 1995 میں برطانیہ میں 34 دن درجہ حرارت 30 ڈگری سینٹی گریڈ سے زائد رہا تھا، جبکہ 2026 میں اب تک ایسے دنوں کی تعداد 35 ہوگئی ہے۔
محکمہ موسمیات کے مطابق جمعرات کو ایسٹ اینگلیا اور ساؤتھ ایسٹ کے علاقوں میں درجہ حرارت 36 ڈگری سینٹی گریڈ تک پہنچنے کا امکان ہے۔
رپورٹس کے مطابق ہیلتھ سکیورٹی ایجنسی نے لندن، ایسٹ مڈلینڈز، ویسٹ مڈلینڈز، یارکشائر اور ہمبر کے لیے یلو ہیلتھ الرٹ جاری کردیا ہے۔
شدید گرمی اور خشک سالی کے باعث برطانیہ کے مختلف علاقوں میں جنگلات میں آگ لگنے کے واقعات بھی پیش آئے ہیں۔
