سعودی عرب جانے والے مسافروں کے لیے لازمی ویکسی نیشن کی ڈیڈ لائن میں ایک ماہ کی توسیع
کراچی ایئرپورٹ سے عمرہ اور سعودی عرب جانے والے دیگر مسافروں کے لیے لازمی ویکسی نیشن کی تصدیق پر عملدرآمد کی تاریخ میں ایک ماہ کی توسیع کردی گئی ہے۔
کراچی ایئرپورٹ سے سعودی عرب جانے والے مسافروں کے لیے لازمی ویکسی نیشن کی تصدیق کا عمل اب 20 نومبر صبح 10 بجے سے شروع کیا جائے گا۔
اس سے قبل 15 اکتوبر سے بغیر ویکسی نیشن کارڈ سفر پر پابندی عائد کرنے کا اعلان کیا گیا تھا۔
سرکلر کے مطابق سفر سے کم از کم 10 روز قبل لازمی ویکسی نیشن کرانا ضروری ہے۔ ایئرپورٹ پر سرکاری ڈسپنسری میں 24 گھنٹے ویکسی نیشن کی سہولت دستیاب ہے، جبکہ دور دراز علاقوں سے آنے والے زائرین اور دیگر مسافروں کے لیے ہنگامی صورت میں کراچی ایئرپورٹ کے ڈیپارچر لاؤنج میں بھی ویکسی نیشن کی سہولت فراہم کی جا رہی ہے۔
