پشاور: تحریک انصاف کا آئندہ 10 روز میں آل پارٹیز کانفرنس بلانے کا اعلان
پشاور میں جیو نیوز سے گفتگو کرتے ہوئے تحریک انصاف کے رہنما سلمان اکرم راجہ نے کہا ہے کہ محمود اچکزئی بانی پی ٹی آئی کے مقرر کردہ قائد حزب اختلاف ہیں۔
سلمان اکرم راجہ نے کہا کہ لانگ مارچ کا فیصلہ برقرار ہے، وزیراعلیٰ اور اسپیکر کو لاپتا کیا گیا جبکہ ایم این ایز اور ایم پی ایز کو بھی اٹھایا جا رہا ہے۔
انہوں نے کہا کہ مذاکرات کی ناکامی سے متعلق غلط بیانیہ بنایا گیا، مذاکرات کو جان بوجھ کر ناکام بنایا گیا۔
ان کا کہنا تھا کہ تحریک انصاف آئندہ 10 روز میں آل پارٹیز کانفرنس بلانے جا رہی ہے، جس کے لیے مولانا فضل الرحمان سمیت اہم سیاسی جماعتوں سے رابطے کیے جا رہے ہیں۔
