اسلام آباد(ویب ڈیسک) نیشنل الیکٹرک پاور ریگولیٹری اتھارٹی (نیپرا) نے بجلی کی قیمت میں 3 روپے 9 پیسے فی یونٹ اضافہ کر دیا اور اس اضافے کا نوٹیفکیشن بھی جاری کر دیا۔
نیشنل الیکٹرک پاور ریگولیٹری اتھارٹی کی جانب سے جاری نوٹیفکیشن کے مطابق دسمبر کی فیول پرائس ایڈجسٹمنٹ کی وجہ سے بجلی مزید مہنگی ہو گئی ہے۔
نیپرا کے نوٹیفکیشن میں کہا گیا ہے کہ بجلی کی تقسیم کار کمپنیاں اپنے فروری کے بلوں میں اضافہ وصول کریں گی۔
نوٹیفکیشن میں یہ بھی کہا گیا ہے کہ بجلی کی قیمتوں میں اضافے کا اطلاق کے الیکٹرک کے صارفین پر نہیں ہوگا۔
