اسلام آباد(ویب ڈیسک) پاکستان میں پیٹرولیم مصنوعات کی قیمتوں میں ایک بار پھر اضافے کا خدشہ ہے۔
ذرائع کا کہنا ہے کہ عالمی منڈی میں خام تیل کی قیمتوں میں اضافے کا اثر پاکستان میں بھی پیٹرولیم مصنوعات کی قیمتوں پر پڑ سکتا ہے اور پیٹرولیم مصنوعات کی قیمتوں میں اضافہ ہوسکتا ہے۔
ذرائع کے مطابق یکم فروری سے عالمی مارکیٹ میں پیٹرول 6.5 روپے فی لیٹر اور ڈیزل کی قیمت میں 5 روپے فی لیٹر اضافہ ہوا ہے۔
ذرائع نے خدشہ ظاہر کیا کہ اگر سابقہ اعلان کے فرق کو تبدیل کیا گیا تو پیٹرول کی قیمت میں 13 روپے اور ڈیزل کی قیمت میں 18 روپے فی لیٹر تک اضافہ ہو سکتا ہے۔
