اسلام آباد (ایم وائے کے نیوز) وفاقی حکومت نے مالی سال 2025-26 کے بجٹ میں پیٹرول، ڈیزل اور فرنس آئل پر اڑھائی روپے فی لیٹر کاربن لیوی عائد کرنے کا اعلان کر دیا ہے۔ وزیر خزانہ محمد اورنگزیب نے قومی اسمبلی میں بجٹ تقریر کے دوران بتایا کہ فوسل فیول کے استعمال میں کمی، موسمیاتی تبدیلی کے اثرات سے نمٹنے اور گرین انرجی پروگرام کو فروغ دینے کے لیے یہ قدم تجویز کیا گیا ہے۔
وزیر خزانہ کے مطابق یہ لیوی ماحولیاتی اصلاحات اور پائیدار توانائی کے فروغ کے لیے مالی وسائل مہیا کرے گی، جو موجودہ دور کی اہم ضروریات میں شامل ہے۔ انہوں نے مزید کہا کہ کاربن لیوی کی یہ شرح آئندہ مالی سال 2026-27 میں بڑھا کر پانچ روپے فی لیٹر کر دی جائے گی۔
ساتھ ہی انہوں نے اعلان کیا کہ فرنس آئل پر بھی پیٹرولیم لیوی وفاقی حکومت کی مقرر کردہ شرح کے مطابق عائد کی جائے گی، تاکہ محصولات میں اضافے کے ساتھ ساتھ ماحولیاتی اہداف کا حصول بھی ممکن بنایا جا سکے۔ حکومت کا یہ اقدام ماحولیاتی تحفظ کے عزم اور گرین توانائی کی طرف منتقلی کی پالیسی کا عملی مظہر ہے۔
اسلام آباد: جماعت اسلامی اور حکومتی کمیٹیوں کے درمیان پیٹرولیم لیوی میں کمی کے طریقہ کار پر اتفاق ہوگیا۔ ذرائع…
لاہور: جوہر ٹاؤن میں بائیک رائیڈر کی جانب سے خاتون کے ساتھ مبینہ نازیبا حرکت کی کوشش پر خاتون نے…
اقوام متحدہ: پاکستان نے سلامتی کونسل میں ویٹو پاور کی توسیع کی مخالفت کرتے ہوئے جامع، جمہوری اور منصفانہ اصلاحات…
اسلام آباد: نائب وزیراعظم اور وزیر خارجہ اسحاق ڈار نے کہا ہے کہ پاکستان ہر عالمی فورم پر کشمیری عوام…
عام طور پر کتوں کو وفاداری کی علامت سمجھا جاتا ہے، لیکن جنوبی امریکی ملک بولیویا میں ایک مرغے…