(ایم وائے کے نیوز ٹی وی) لاہور/ملتان: ملک کے بڑے شہروں میں مرغی کے گوشت کی قیمتیں تیزی سے بڑھنے لگی ہیں جبکہ انڈوں کی قیمتوں میں معمولی کمی دیکھی گئی ہے، جس سے گھریلو صارفین اور ہوٹل مالکان دونوں متاثر ہوئے ہیں۔
تفصیلات کے مطابق لاہور میں زندہ برائلر مرغی اور گوشت کی قیمت میں آج بھی اضافہ ہوا ہے۔ صرف تین دن کے دوران مرغی کے گوشت کی فی کلو قیمت میں 43 روپے کا ہوشربا اضافہ ہوچکا ہے۔ آج لاہور میں زندہ مرغی کی فی کلو تھوک قیمت 274 روپے جبکہ پرچون قیمت 288 روپے مقرر کی گئی ہے۔ برائلر گوشت اب 417 روپے فی کلو میں دستیاب ہے، جبکہ اوپن مارکیٹ میں مرغی کا صاف گوشت 450 روپے فی کلو اور بون لیس گوشت 520 روپے کلو تک پہنچ چکا ہے۔
ادھر ملتان میں بھی صورتحال مختلف نہیں۔ آج وہاں زندہ برائلر مرغی کی قیمت میں 26 روپے فی کلو جبکہ گوشت کی قیمت میں 39 روپے فی کلو اضافہ ریکارڈ کیا گیا ہے۔ ملتان میں زندہ برائلر کا تھوک ریٹ 258 روپے فی کلو اور پرچون ریٹ 272 روپے فی کلو ہو گیا ہے، جبکہ برائلر گوشت 394 روپے فی کلو فروخت ہو رہا ہے۔
تاہم مرغی کی قیمتوں میں اضافے کے ساتھ انڈوں کی قیمت میں قدرے کمی دیکھنے کو ملی ہے۔ لاہور میں فی درجن انڈے 244 روپے جبکہ ملتان میں 230 روپے مقرر کیے گئے ہیں، یعنی ملتان میں 14 روپے فی درجن کی کمی واقع ہوئی ہے۔
