کراچی میں دکان سے ڈیڑھ کروڑ روپے کے رم اور ٹائر چوری
کراچی: ڈی ایچ اے فیز 2 میں تالا توڑ گروپ نے ایک دکان کے تالے توڑ کر ڈیڑھ کروڑ روپے مالیت کے رم اور ٹائر چوری کرلیے۔
پولیس کے مطابق ملزمان نے دکان کے تالے توڑ کر قیمتی رم اور ٹائر چوری کیے۔ واردات کے بعد چوری شدہ سامان سے بھری گاڑی شاہ لطیف ٹاؤن سے برآمد کرلی گئی۔
پولیس حکام کا کہنا ہے کہ کارروائی کے دوران ایک ملزم کو گرفتار کرلیا گیا ہے جبکہ واقعے کی مزید تفتیش جاری ہے۔
