لاہور(ویب ڈیسک)پاکستان فلم انڈسٹری کی معروف اداکارہ نیلو بیگم کو حکومت کی جانب سے اسٹار ایوارڈ ملنے پر ان کے بیٹے اور اداکار شان شاہد نے سوشل میڈیا پر خصوصی پیغام جاری کیا۔
مائیکرو بلاگنگ سائٹ ٹوئٹر پر شان شاہد نے اپنی مرحوم والدہ نیلو بیگم کے ساتھ اپنی ایک یادگار تصویر کے ساتھ ساتھ ستارہ امتیاز کی تصویر بھی شیئر کی جس سے وہ ملے تھے۔
شان شاہد نے اپنی ٹوئٹ میں لکھا کہ ستارہ امتیاز میری والدہ کو دیا گیا ہے اور یہ ہم سب کے لیے قابل فخر لمحہ ہے۔
اداکار نے خواہش کا اظہار کرتے ہوئے لکھا کہ کاش! میں اپنی ماں کو اسے پہنے ہوئے دیکھ سکتا ہوں۔
انہوں نے مزید لکھا کہ اللہ تعالیٰ! میری والدہ اگلے جہان میں بھی خوش رکھیں۔ آمین
#sitaraeimtiaz has been awarded to my mother . A proud moment for us all ..I only wish I can see her wearing it .. ♥️🇵🇰🎥 . May the ALMIGHTY bless her 💯🙏🏼 pic.twitter.com/1RNuNVXA6v
— Shaan Shahid (@mshaanshahid) March 23, 2022
خیال رہے کہ اداکارہ نیلو بیگم کو حکومت کی جانب سے یوم پاکستان کے موقع پر ستارہ امتیاز سے نوازا گیا تھا۔
خیال رہے کہ 80 سالہ نیلو بیگم گزشتہ برس لاہور میں انتقال کر گئی تھیں۔ اداکارہ نیلو بیگم مرحوم فلم ڈائریکٹر ریاض شاہد کی اہلیہ اور اداکار شان کی والدہ تھیں جبکہ ان کا اصل نام عابدہ شاہد تھا۔
وہ کافی عرصے سے کینسر کے مرض میں مبتلا تھیں۔ اداکارہ نیلو 1940 میں بھیرہ میں پیدا ہوئیں۔ 1956 میں فلم بھوانی جنکشن میں چائلڈ اسٹار کے طور پر کام کیا۔
انہوں نے کئی یادگار فلموں میں اداکاری کے جوہر دکھائے جن میں دوشیزہ، عذرا، زرقا، بنجارن، بیٹی، ڈاچی، جگر، ناگن اور شیر دی بچی شامل ہیں۔
فلم ’سات لاکھ‘ کا گانا ’آئے موسم رنگیلے‘ نیلو بیگم کی پہچان بنا۔
