برِصغیر سے تعلق رکھنے والے آم کی کاشت پہلی بار شمال مشرقی ہندوستان، بنگلہ دیش اور میانمار میں تقریباً 25-30 ملین سال پہلے کی گئی تھی۔ آم کو پھلوں کا بادشاہ بھی کہا جاتا ہے، آم نے برصغیر کی تاریخ اور دنیا کے ساتھ تعلقات میں اپنا ایک قیمتی مقام حاصل کیا ہے۔
"کہا جاتا ہے کہ آم گوتم بدھا کو بھی بہت پیارے تھے۔ وہ آموں کے سرسبز باغوں کے سکون میں مراقبہ کیا کرتے تھے۔ مغلوں کے دور میں آموں کو لذیذ مغلائی کباب بنانے میں بطور ٹینڈر استعمال کیا جاتا تھا۔
یہاں تک کہ آم کی پیوند کاری بھی صرف شاہی سرپرستی میں کی جاتی تھی، لیکن بعد میں شہنشاہ شاہ جہاں نے یہ پابندیاں ختم کردیں ۔ 16 ویں صدی کے دوران، سمندری سفر کرنے والے پرتگالی یہاں سے آم کے پھل اور اس کے بیج ساتھ لے گئے اور اسے افریقہ میں متعارف کرایا۔
مزیدار تاریخ کے ساتھ، آم دنیا بھرمیں سب سے زیادہ مقبول پھلوں میں سے ایک ہے۔ شاندار ذائقہ، رس سے بھرپور اور حیرت انگیز ہونے کے علاوہ، آم صحت کے لیے بہت سے فوائد بھی رکھتے ہیں!
یہاں ہم آپ سے آم کے چند ایسے فائدے شئیر کر رہے ہیں، جو شاید پہلے آپ کو معلوم نہ ہوں۔
1. ہاضمے کو بہتر کرنے میں مدد کرتا ہے
آم صحت مند ہاضمہ کو آسان بنانے میں مدد کرتا ہے۔ آم میں ایسے انزائمز ہوتے ہیں جو پروٹین کے ٹوٹنے اور ہضم ہونے میں مدد دیتے ہیں، اوروافر مقدار میں فائبر بھی ہوتا ہے، جو ہاضمہ کو موثر طریقے سے کام کرنے میں مدد کرتا ہے۔غذائی ریشہ دل کی بیماری، ٹائپ 2 ذیابیطس کے خطرے کو کم کرنے میں مدد کرتا ہے۔ سبز آموں میں پکے آم کی نسبت زیادہ پیکٹین فائبر ہوتا ہے۔
2.مردوں کے لیے بہترین پھل
;آم کو ‘محبت کا پھل’ بھی کہا جاتا ہے۔ اس میں افروڈیزیاک خصوصیات وافر مقدار میں پائی جاتی ہیں جومردانہ قابلیت کو بڑھاتی ہیں۔ لہذا، آم کھائیں اور اپنی محبت اور جذبے کو مزید بڑھائیں۔
3. قوت مدافعت بڑھاتا ہے
آپ کو یہ جان کر حیرت ہوگی کہ ایک اوسط سائز کے آم میں روزانہ تجویز کردہ وٹامن سی کا دو تہائی حصہ ہوتا ہے۔طاقتور اینٹی آکسیڈنٹ قوت مدافعت کو بڑھانے میں مدد کرتا ہے اور نزلہ/زکام سے بچاتا ہے۔
4. آنکھوں کی صحت کو بہتر بناتا ہے
آم کو خوراک میں شامل کرنے سے آپ کی آنکھوں کی صحت کو بہتر بنانے میں بھی مدد مل سکتی ہے۔ آم بیٹا کیروٹین سے بھرپور ہوتے ہیں جو وٹامن اے کی پیداوار میں مدد کرتا ہے۔ طاقتور اینٹی آکسیڈنٹ بینائی کو بہتر بنانے میں مدد کرتا ہے، آنکھوں کی مجموعی صحت کو بڑھاتا ہے اور یہاں تک کہ عمر سے متعلق میکولر انحطاط یا بینائی کے نقصان کو بھی روکتا ہے۔
5. کولیسٹرول کو کم کرتا ہے
آم کھانے سے آپ کے کولیسٹرول کی سطح کو بھی کنٹرول کرنے میں مدد مل سکتی ہے۔ فائبر پیکٹین کی زیادہ مقدار خراب کولیسٹرول کو کم کرنے میں مدد کر سکتی ہے جس کی وجہ سے خون کی نالیوں میں رکاوٹ بنتی ہیں اور خون کا بہاؤ متاثر ہوتا ہے۔
6. جلد کو صاف کرتا ہے
آم جلد کے لیے موزوں وٹامن سی اور وٹامن اے سے بھرے ہوتے ہیں، یہ دونوں صحت مند جلد اور جلد کی مرمت کے لیے بہت اہم ہیں۔ آم، اعتدال میں کھایا جاتا ہے، یہ جلد کے مردہ خلیوں کو ختم کرنے کے لیے بھی جانا جاتا ہے۔ آم جلد کو ٹھیک کرنے والے غذائی اجزاء سے بھرے ہوتے ہیں؛ مثال کے طور پر، آم میں موجود فائبر آپ کی آنتوں کو صاف کرتا ہے جو زہریلے مادوں سے بھرا ہوا ہوتا ہے۔”
7. ذیابیطس کے مریض بھی اس سے لطف اندوز ہو سکتے ہیں
جی ہاں یہ میٹھا ضرور ہوتا ہے، اور اگر اسے کفایت شعاری سے کھایا جائے تو یہ ذیابیطس کے مریضوں کے لیے پریشانی کا باعث نہیں بنتا۔ آم کا گلیسیمک انڈیکس 41 سے 60 کے درمیان ہوتا ہے اور 55 سے کم کھانے کو کم گلیسیمک فوڈ سمجھا جاتا ہے، جو ذیابیطس کے مریضوں کے لیے محفوظ ہے۔
کم گلیسیمک انڈیکس والی غذائیں اس بات کو یقینی بناتی ہیں کہ خون میں شوگر کا اخراج سست ہو، اور خون میں گلوکوز کی سطح میں اچانک اضافہ نہ ہو۔ اس کے علاوہ، آم غذائی ریشوں سے بھی بھرپور ہوتے ہیں، جو خون میں شکر کی سطح کو دوبارہ منظم کرنے میں مدد کرتا ہے۔
8. وزن کم کرنے میں مدد کرتا ہے
آم اعتدال میں کھائے جانے سے وزن کم کرنے میں بھی مدد مل سکتی ہے۔ آم کی جلد میں موجود فائٹو کیمیکل قدرتی چکنائی کو ختم کرنے کا کام کرتے ہیں۔ آم کا گوشت غذائی ریشوں سے بھرا ہوتا ہے۔ زیادہ فائبر والے پھل یا سبزیاں کھانے پر آپ کو زیادہ دیر تک پیٹ بھرا محسوس ہوتا ہے، جو آپ کو دوسرے زیادہ چکنائی والے نمکین کھانے سے روکتا ہے۔
آجکل یہاں گرمیاں بھی ہیں اور آم بھی۔ تو آپ کس چیز کا انتظار کر رہے ہیں، بس شروع ہو جائیں!
مزید ہیلتھ آرٹکل پڑھنے کیلئے اس لنک پر کلک کریں : صحت
