عمران خان کے آرمی چیف کو لکھے گئے خط کا جواب آتا ہے تو ہم اس کا خیرمقدم کریں گے. بیریسٹر گوہر

بیرسٹر گوہر نے کہا کہ عمران خان نے آرمی چیف کو خط لکھنے کا بتایا، لیکن میں نے اب تک یہ خط خود نہیں دیکھا اور نہ ہی پڑھا۔چیئرمین پی ٹی آئی کے مطابق عمران خان نے خود اس خط کے مندرجات پڑھ کر سنائے، جس میں فوج کی قربانیوں کا اعتراف کیا گیا۔ انہوں نے مزید کہا کہ اگر اس خط پر کوئی جواب آتا ہے تو ہم اس کا خیرمقدم کریں گے۔فوجی قیادت سے رابطے کے سوال پر بیرسٹر گوہر نے وضاحت کی کہ امن و امان سے متعلق ایک میٹنگ ضرور ہوئی تھی، تاہم اس کے علاوہ کوئی اور ملاقات نہیں ہوئی۔

واضح رہے کہ عمران خان نے گزشتہ روز آرمی چیف کو 6 نکاتی خط ارسال کیا تھا، جبکہ اس سے قبل وہ سپریم کورٹ کے چیف جسٹس کو بھی ایک خط لکھ چکے ہیں۔