اسلام آباد(ویب ڈیسک) پاکستان مسلم لیگ (ن) نے اسحاق ڈار کو چیئرمین سینیٹ کے عہدے کے لیے نامزد کردیا ہے جس پر پیپلزپارٹی کی قیادت نے شدید ردعمل کا اظہار کیا ہے۔
تفصیلات کے مطابق حکمران اتحاد مشکل میں پڑ گیا اور اتحادی جماعتیں وزارتوں کا فیصلہ نہ کر سکیں، مسلم لیگ ن کی غیر واضح پالیسی وفاقی کابینہ کے اعلان میں رکاوٹ بن گئی۔
ذرائع کا کہنا ہے کہ پیپلز پارٹی کے وعدے کے بعد اب ن لیگ پنجاب کی گورنر شپ سے کنارہ کشی اختیار کر رہی ہے۔ ن لیگ نے سینیٹ کی چیئرمین شپ کے لیے اسحاق ڈار کا نام تجویز کر دیا۔
ذرائع کا کہنا ہے کہ رانا ثناء اللہ نے کہا کہ وہ چیئرمین یوسف گیلانی بن جائیں لیکن فیصلہ عدالت سے لیں۔
پی پی رہنما کا کہنا تھا کہ حیران ہیں پہلے گورنر،اب چیئرمین سینیٹ پر کہتے ہیں عدالت سے فیصلہ لیں، مولانا نے بھی پہلے ڈپٹی اسپیکر کے لیے شاہدہ اختر کا وعدہ کیا ، اب ن لیگ ڈپٹی اسپیکر کیلئے بھی اپنے امیدوار کی بات کررہی ہے۔
پیپلز پارٹی کے رہنما نے مزید کہا تمام اتحادیوں کو تحریک انصاف سے توڑ کر لائےاور ہم ہی گارنٹر رہیں، ن لیگ دل بڑا کرے اورجس سے جو وعدہ کیا ہے وہ پورا کرے۔
رہنما پی پی کا کہنا تھا کہ ہم نے کہا آئینی عہدے دیں تون لیگ نے کہا نہیں کابینہ میں آئیں۔
