اسلام آباد: پریکٹس اینڈ پروسیجر کمیٹی نے جسٹس نعیم اختر افغان کو بینچ کا حصہ بنا لیا۔
ذرائع کے مطابق چیف جسٹس قاضی فائز عیسیٰ نے جسٹس منصور علی شاہ کا نام بطور بینچ ممبر تجویز کیا تھا تاہم جسٹس منصور علی شاہ کی کمیٹی کے اجلاس میں عدم شرکت کے باعث جسٹس نعیم اختر افغان کو بینچ میں شامل کیا گیا۔
مزید اطلاعات کے مطابق جسٹس نعیم اختر افغان کی شمولیت کے بعد 5 رکنی لارجر بینچ مکمل ہو گیا ہے۔ یہ بینچ آرٹیکل 63 اے کیس کی سماعت آج ساڑھے گیارہ بجے کرے گا۔ پریکٹس اینڈ پروسیجر کمیٹی کا اجلاس صبح 9 بجے منعقد ہوا تھا۔
