لاہور میں انسولین کے بعد انفلوئنزا (فلو) سے بچاؤ کی ویکسین بھی مارکیٹ سے غائب ہوگئی، جبکہ دستیاب ویکسین کی قیمت میں بھی اضافہ ہوگیا ہے۔
میڈیکل اسٹور مالکان کے مطابق رواں سال فلو کی ویکسین معمول کے مطابق مارکیٹ میں دستیاب نہیں ہوسکی۔
ان کا کہنا ہے کہ چین کی ایک کمپنی کی تیار کردہ فلو ویکسین مارکیٹ میں آئی ہے، تاہم اس کی سپلائی بھی انتہائی محدود ہے، جس کے باعث 1200 روپے میں فروخت ہونے والی ویکسین کی قیمت بڑھ کر 1640 روپے ہوگئی ہے۔
میڈیکل اسٹور مالکان کے مطابق فلو سے بچاؤ کی ویکسین عموماً بزرگ افراد کو ستمبر میں لگوائی جاتی ہے۔ یہ ویکسین خصوصاً بزرگوں اور دیگر خطرے سے دوچار افراد کو انفلوئنزا سے بچاؤ میں مدد فراہم کرتی ہے۔
