برطانیہ اور ویلز میں ’’محمد‘‘ سب سے مقبول نام

برطانیہ اور ویلز میں ’’محمد‘‘ سب سے مقبول نام

لندن:محمد نام برطانیہ اور ویلز میں 2023 کے دوران لڑکوں میں مقبول ترین بن گیا ہے۔
آفس فار نیشنل سٹیٹسٹیکس کے اعداد و شمار میں مختلف سپیلنگ والے محمد ناموں کو ایک ساتھ نہیں ملایا گیا ہے۔ اس کا مطلب ہے کہ اگر محتلف سپیلنگ والے محمد ناموں کو ایک ساتھ ملایا جائے تو یہ نام کئی سالوں تک کے لیے مقبول ترین نام ہے۔ اس سے قبل انگلینڈ اور ویلز میں نوح مقبول ترین نام تھا جسے اب ’محمد‘ نے پیچھے چھوڑ دیا ہے۔
2022 میں محمد نام 4 ہزار 177 بار رجسٹرڈ ہوا تھا جبکہ 2023 میں محمد نام 4 ہزار 661 مرتبہ رجسٹر ہوا۔یہ دونوں نام لندن، ویسٹ مڈلینڈز، یارک شائر اور نارتھ ویسٹ جہاں مسلمانوں کی آبادی زیادہ ہےمیں بہت مقبول رہے۔ 2023 کے ٹاپ 100 مقبول ترین ناموں میں یوسف، موسیٰ اور ابراہیم بھی شامل ہیں۔
انگلینڈ اور ویلز میں لڑکوں کے ناموں میں تیسرا مقبول ترین نام اولیور تھا جس کے بعد جارج اور لیو تھے۔ لڑکیوں میں اولیویا مسلسل آٹھویں سال 2023 میں بھی مقبول ترین نام رہا۔ جبکہ ایمیلیا اور اسلا دوسرے اور تیسرے نمبر پر رہے۔
مسلمان خاندانوں میں 2023 میں ٹاپ 100 مقبول ناموں میں لڑکیوں کے لیے لیلیٰ، مریم اور فاطمہ شامل ہیں۔ او این ایس کے مطابق والدین کی جانب سے بچوں کا نام رکھنے میں مقبول کلچر کا اثر رہا۔