پنجاب حکومت کا بجلی صارفین کے لئے بڑے ریلیف کا اعلان
لاہور: پنجاب کی وزیراعلیٰ مریم نواز شریف نے بجلی صارفین کے لئے بڑے ریلیف کا اعلان کر دیا۔
بجلی کے 500 یونٹ استعمال کرنے والے صارفین کو قسطوں پر سولر پینل دینے کے منصوبے کی منظوری دے دی گئی ہے۔
پنجاب کابینہ کا اہم اجلاس کل (9 جولائی) کو ہو گا جس میں حکومت ’روشن گھرانہ‘ پروگرام کی باضابطہ منظوری دے گی۔ منصوبے کے تحت 50 سے 500 یونٹ تک بجلی استعمال کرنے والے کروڑوں صارفین کو سولر سسٹم دئیے جائیں گے۔
سولر 5 سال کی آسان قسطوں پر صارفین کو دئیے جائینگے۔ لاگت کا 90 فیصد حکومت پنجاب اور 10 فیصد صارف ادا کرے گا۔
سردیوں کے موسم میں سولر پینل کی قسط گرمیوں کی نسبت کم ہو گی۔
پہلے مرحلے میں غریب ترین گھرانوں کو سولرسسٹم فراہم کئے جائیں گے۔
