حکومت کا پاکستان تحریک انصاف (پی ٹی آئی) پر پابندی عائد کرنیکا فیصلہ

حکومت کا پاکستان تحریک انصاف (پی ٹی آئی) پر پابندی عائد کرنیکا فیصلہ

اسلام آباد: وفاقی حکومت نے پاکستان تحریک انصاف (پی ٹی آئی)پر پابندی لگانے کا فیصلہ کر لیا۔

بانی پی ٹی آئی، عارف علوی اور قاسم سوری پر آرٹیکل 6 کا ریفرنس دائر کیا جائے گا۔کابینہ سے منظوری کے بعد ریفرنس سپریم کورٹ بھیجا جائے گا۔

وفاقی وزیر اطلاعات و نشریات عطاء اللہ تارڑ نے پریس کانفرنس کرتے ہوئے کہا کہ حکومت نے پاکستان تحریک انصاف پر پابندی عائد کرنے کا فیصلہ کیا ہے۔ پی ٹی آئی کا کیس سپریم کورٹ کو بھیجا جائے گا اور حکومت پی ٹی آئی پر پابندی کے لئے کیس دائر کرے گی۔ انہوں نے کہا کہ پی ٹی آئی پر پابندی لگانے کے بہت واضح ثبوت موجود ہیں۔

انہوں نے مزید کہا کہ حکومت نے سپریم کورٹ کے فیصلے کیخلاف نظرثانی اپیل دائر کرنے کا فیصلہ بھی کیا ہے۔

عطاء اللہ تارڑ نے کہا ہے کہ گزشتہ چند روز سے ملک میں ہیجانی کیفیت پیدا کرنے کی کوشش کی جارہی ہے۔ "سات خون معاف” کے نام سے ایک فلمی ٹریلر چلایا جارہا ہے، جس میں یہ تاثر دیا جا رہا ہے کہ ہم ان ٹچ ایبل ہیں۔

انہوں نے بانی پاکستان تحریک انصاف (پی ٹی آئی) کو بدترین لیڈر قرار دیا اور کہا کہ اس نے بہن بیٹیوں کو جیلوں میں ڈالنے کی روایت ڈالی ہے۔ وزیراعظم شہباز شریف نے ایوان میں کہا کہ ہم میثاق معیشت کرنے کو تیار ہیں، لیکن ہماری دانشمندی کو ہماری کمزوری سمجھا گیا۔

سپریم کورٹ نے پی ٹی آئی کو بن مانگے ریلیف دے دیا ہے، حکومتی اور اتحادی پارٹیوں نے اس فیصلے کے خلاف ریونیو درج کرنے کا فیصلہ کیا ہے۔ پی ٹی آئی کہیں پر بھی پارٹی نہیں تھی، ان کے ممبران نے نہیں کہا کہ ہم پی ٹی آئی کے ممبر ہیں، سنی اتحاد کونسل کا حلف نامہ جمع کرایا گیا ہے۔

سنی اتحاد کونسل کے منشور میں یہ بیان شامل ہے کہ کوئی غیر مسلم اس کا ممبر نہیں بن سکتا، اس لئے اسے مخصوص نشستیںنہیں مل سکتیں تھیں۔ وزیر اطلاعات نے اس بات کا ذکر کیا کہ مخصوص ذہنیت کو پروان چڑھایا جا رہا ہے، اور ہماری اعلیٰ قیادت اور خواتین کو جیلوں میں ڈالا گیا ہے۔

اس کے علاوہ، لیگی رہنما نے بھی اس بارے میں اپنی رائے دی، اور کہا کہ غیر آئینی طور پر اسمبلی توڑنے پر بانی پی ٹی آئی عمران خان، سابق صدر عارف علوی اور سابق ڈپٹی سپیکر قاسم سوری کیخلاف آرٹیکل 6 لگایا گیا ہے، اور حکومت سپریم کورٹ میں اس کا ریفرنس دائر کرے گی۔

ان کے مطابق، ملک کو آگے بڑھنے کے لیے شر پسند عناصر پر پابندی لگانی ہوگی، اور انہوں نے کہا کہ پاکستان تحریک انصاف اور ملک ایک ساتھ نہیں چل سکتے، اور اب مزید اس کونسے نو مور پر تبصرہ کیا ہے۔

وفاقی وزیر نے کہا کہ پی ٹی آئی حکومت نے فیصلہ کیا ہے کہ طالبان کو واپس لا کر بسایا جائے، لیکن انہوں نے بھی کہا کہ ایک طرف دہشت گردوں کو یہاں لائے گئے ہیں، دوسری طرف جی ایچ کیو پر حملہ کیا گیا ہے۔فارن فنڈنگ ہو یا نو مئی کے حملے ہوں یا سائفر کے ساتھ کھیلنا، یہ سب ثابت شدہ ہیں۔