بلوچستان میں پولیو کا نیا کیس، ژوب میں ڈیڑھ سالہ بچہ متاثر
بلوچستان کے ضلع ژوب میں پولیو کا ایک اور کیس رپورٹ ہوا ہے۔ ژوب کی یونین کونسل حسن زئی اربن 2 میں ڈیڑھ سالہ بچے میں پولیو وائرس کی تصدیق ہوئی ہے، جس کے بعد رواں سال پولیو کیسز کی مجموعی تعداد 9 ہوگئی ہے۔ متاثرہ بچے میں معذوری کی علامات 28 جون کو ظاہر ہوئیں۔
صحت کے
قومی ادارہ کے مطابق، وائرس کی جینیاتی جانچ پڑتال ابھی جاری ہے۔ وزیر اعظم کی فوکل پرسن برائے انسداد پولیو، عائشہ رضا نے ایسی صورت حال پر تشویش کا اظہار کرتے ہوئے کہا ہے کہہ 50 سے زائد اضلاع کے ماحولیاتی نمونوں میں پولیو وائرس کی موجودگی بچوں کے لیے مسلسل خطرہ ہے، خاص طور پر وہ بچے جن کی قوت مدافعت ویکسین نہ لینے کی وجہ سے کمزور ہو۔
عائشہ رضا نے مزید کہا کہ بچوں کو پولیو سے بچانے کا سب سے مؤثر طریقہ پولیو سے بچاؤ کی متعدد خوراکیں ہیں۔ انہوں نے والدین پر زور دیا کہ وہ اپنے بچوں کو بروقت ویکسین دلوا کر اس مہلک بیماری سے محفوظ بنائیں۔
