بیوروکریٹس، ججز اور پارلیمنٹیرینز کی مفت بجلی بند کرنے کی تجویز زیر غور

بیوروکریٹس، ججز اور پارلیمنٹیرینز کی مفت بجلی بند کرنے کی تجویز زیر غور

اسلام آباد:حکومت نے سرکاری اداروں اور افسران کو دی جانے والی مفت بجلی کی سہولت ختم کرنے پر غور شروع کر دیا ہے۔

پاور ڈویژن کے ذرائع کے مطابق، وفاقی حکومت نے عوامی اور سیاسی دباؤ کے پیش نظر وزارت توانائی میں ایمرجنسی پلان پر کام کرنے کا اصولی فیصلہ کیا ہے۔

اس حکومتی فیصلے کے تحت تمام سرکاری اور نیم سرکاری اداروں میں مفت بجلی کی سہولت ختم کرنے کی تجویز زیر غور ہے۔ بیوروکریٹس، ججز، اور پارلیمنٹیرینز کی مفت بجلی کی سہولت بند کرنے پر بھی غور شروع ہو چکا ہے۔

ایمرجنسی پلان کے تحت دوسرے مرحلے میں مفت پیٹرول کی سہولت بھی واپس لینے پر غور کیا جا رہا ہے۔ صرف صنعت اور کاروبار کو جائز سہولتیں فراہم کی جائیں گی۔ ذرائع کے مطابق، فیکٹریوں میں ایم ڈی آئی چارجز کو کم کرنے کی تجویز بھی زیر غور ہے۔ پاور ڈویژن کے ذرائع نے مزید کہا کہ نیپرا اور اوگرا کی کارکردگی کا بھی جائزہ لیا جائے گا۔