سعد رفیق تسلی بخش میڈیکل رپورٹ پر ڈسچارج

لاہور (ایم وائے کے نیوز)  — سابق وفاقی وزیر اور مسلم لیگ ن کے رہنما خواجہ سعد رفیق کی طبیعت ناساز ہونے کے بعد انہیں پنجاب کارڈیالوجی میں داخل کیا گیا تھا جہاں ان کے تمام ٹیسٹ کیے گئے۔

ڈائریکٹر پی آئی سی پروفیسر بلال محی الدین نے بتایا کہ خواجہ سعد رفیق کی دل کی دھڑکن تیز ہونے پر انہیں ہسپتال لایا گیا تھا لیکن ان کی طبیعت میں بہتری کے بعد انہیں تسلی بخش رپورٹ کے بعد ہسپتال سے ڈسچارج کر دیا گیا ہے۔ پروفیسر بلال نے مزید کہا کہ خواجہ سعد رفیق کی ای سی جی اور دیگر ٹیسٹ بہتر آئے ہیں، انہیں فوری طبی امداد فراہم کرنے کے بعد ہسپتال سے رخصت کیا گیا ہے۔ انہیں ذہنی سکون اور آرام کرنے کی ہدایت بھی دی گئی ہے۔