عید پر دہشتگردی کا منصوبہ ناکام بنا دیا گیا: 3 دہشت گرد لاہور سے گرفتار

لاہور (ایم وائے کے نیوز)  — کاؤنٹر ٹیررزم ڈپارٹمنٹ (سی ٹی ڈی) نے بھارتی پراکسی گروہ فتنہ الخوارج کے تین دہشت گردوں کو لاہور سے گرفتار کر لیا ہے۔

ترجمان سی ٹی ڈی کے مطابق گرفتار دہشت گرد اعظم، امجد اور منظور عید کے موقع پر دہشت گردی کا منصوبہ بنا رہے تھے۔ گرفتار ملزمان نے اعتراف کیا ہے کہ وہ راجستھان اور سری نگر میں ’’را‘‘ کے ایجنٹوں سے ملاقاتیں کرتے رہے ہیں۔ مزید برآں، ان دہشت گردوں نے بھارتی خفیہ ایجنسی کو اہم مقامات کے نقشے بھیجنے میں حصہ لیا تھا۔ سی ٹی ڈی نے گرفتار دہشت گردوں کے قبضے سے بھاری مقدار میں دھماکہ خیز مواد اور اسلحہ بھی برآمد کر لیا ہے۔