اسلام آباد (ایم وائے کے نیوز ٹی وی) — پاکستان تحریک انصاف کے بانی عمران خان اور سابق خاتون اول بشریٰ بی بی کی سزا معطلی کی درخواستوں پر آج اسلام آباد ہائی کورٹ میں ہونے والی سماعت ملتوی کر دی گئی ہے۔
نجی ٹی وی چینل کی رپورٹ کے مطابق ہائی کورٹ کے جسٹس محمد آصف کی رخصت کے باعث آج یہ مقدمہ نہیں سنا جا سکے گا۔ سزا معطلی کی درخواستوں پر قائم مقام چیف جسٹس سرفراز ڈوگر اور جسٹس محمد آصف پر مشتمل ڈویژن بینچ نے سماعت کرنی تھی، تاہم بینچ آج دستیاب نہیں ہوگا۔ ذرائع کے مطابق قائم مقام چیف جسٹس سرفراز ڈوگر آج صرف سنگل بینچ میں مقدمات کی سماعت کریں گے۔ نئے بینچ کی تشکیل یا آئندہ تاریخ سماعت کا اعلان بعد میں کیا جائے گا۔
