اسلام آباد (ایم وائے کے نیوز) وفاقی حکومت نے مالی سال 2025-26 کے بجٹ میں اعلیٰ تعلیم کے لیے 39.5 ارب روپے مختص کیے ہیں۔ بجٹ میں تعلیم کے فروغ کے لیے دیگر اقدامات بھی شامل کیے گئے ہیں۔
وفاقی وزیر خزانہ کے مطابق 11 نئے دانش اسکولوں کے قیام کا فیصلہ کیا گیا ہے جن میں سے تین آزاد کشمیر، تین گلگت بلتستان، چار بلوچستان اور ایک اسلام آباد میں قائم کیا جائے گا۔ اس منصوبے کے لیے 9.8 ارب روپے مختص کیے گئے ہیں۔
اس کے علاوہ سندھ میں سیلاب سے متاثرہ اسکولوں کی تعمیر نو کے لیے 3 ارب روپے کی رقم مختص کی گئی ہے، تاکہ متاثرہ علاقوں میں تعلیمی سرگرمیاں بحال کی جا سکیں۔
