اسلام آباد: ابوظہبی کے ولی عہد شہزادہ شیخ خالد بن محمد بن زید النہیان جمعرات کو ایک روزہ سرکاری دورے پر پاکستان پہنچیں گے۔ شہزادہ شیخ خالد بن محمد کو "نشانِ پاکستان” سے نوازا جائے گا۔ خصوصی تقریب میں انہیں یہ اعلیٰ سول ایوارڈ دیا جائے گا۔ وزیراعظم شہباز شریف کے ساتھ مفاہمتی یادداشتوں (MoUs) پر دستخط بھی متوقع ہیں۔
ولی عہد کی وزیراعظم پاکستان شہباز شریف سے ملاقات بھی شیڈول کا حصہ ہے۔ ابوظہبی کی سپریم کونسل برائے مالیاتی و اقتصادی امور کے رکن ہیں۔ ابوظہبی نیشنل آئل کمپنی (ADNOC) کے بورڈ ممبر بھی ہیں۔ ابو ظہبی انویسٹمنٹ اتھارٹی کے بورڈ آف ڈائریکٹرز میں بھی شامل ہیں۔ نیشنل سکیورٹی کے سربراہ اور ڈپٹی نیشنل سکیورٹی ایڈوائزر کے طور پر خدمات انجام دے چکے ہیں۔ مارچ 2023 میں انہیں ابو ظہبی کا ولی عہد اور ابو ظہبی ایگزیکٹو کونسل کا چیئرمین مقرر کیا گیا تھا۔
