اسلام آباد( ایم وائے کے نیوز ) وفاقی حکومت نے 28 مئی کو یومِ تکبیر کے موقع پر ملک بھر میں عام تعطیل کا اعلان کر دیا ہے۔ یہ دن پاکستان کے ایٹمی قوت بننے کی یاد میں ہر سال منایا جاتا ہے۔ حکومت نے گزشتہ برس اسے باضابطہ قومی تعطیل کی فہرست میں شامل کیا تھا۔ اس موقع پر تمام سرکاری و نیم سرکاری دفاتر، تعلیمی ادارے اور بیشتر نجی ادارے بند رہیں گے۔
یومِ تکبیر پاکستان کی دفاعی تاریخ میں ایک سنگ میل کی حیثیت رکھتا ہے، جب 1998 میں بلوچستان کے ضلع چاغی میں ایٹمی دھماکے کر کے پاکستان نے دنیا کو اپنی دفاعی طاقت کا مظاہرہ کیا۔ ان دھماکوں کے بعد پاکستان اسلامی دنیا کی پہلی اور دنیا کی ساتویں ایٹمی طاقت بن کر ابھرا۔ ان تجربات کا مقصد بھارت کے 11 اور 13 مئی کے ایٹمی دھماکوں کا جواب دینا تھا۔
یومِ تکبیر کے موقع پر ملک بھر میں مختلف تقریبات، سیمینارز اور ریلیاں منعقد کی جائیں گی جن میں قومی ہیروز کو خراجِ تحسین پیش کیا جائے گا۔ ڈاکٹر عبدالقدیر خان سمیت دیگر اہم شخصیات کو یاد کیا جائے گا جنہوں نے ایٹمی پروگرام کی کامیابی میں بنیادی کردار ادا کیا۔ سندھ حکومت نے بھی 28 مئی کو صوبائی دفاتر اور بلدیاتی کونسلز کی بندش کا نوٹیفکیشن جاری کر دیا ہے۔ پاکستان اسٹاک ایکسچینج کی جانب سے بھی تعطیل کا باضابطہ اعلان کیا جا چکا ہے۔ یومِ تکبیر قومی خودمختاری، سائنسی ترقی، اور دفاعی طاقت کا دن ہے جو قوم کو قربانی، اتحاد اور عزم کا پیغام دیتا ہے۔
اسلام آباد: وفاقی کابینہ نے متفقہ طور پر مذہبی جماعت تحریک لبیک پاکستان (ٹی ایل پی) کو انسدادِ دہشتگردی ایکٹ…
اسلام آباد پولیس کے سینئر افسر ایس پی انڈسٹریل ایریا عدیل اکبر کی مبینہ خودکشی کی خبر نے دارالحکومت کی…
فرانسیسی پولیس نے منگل کے روز اُن چوروں کی تلاش تیز کر دی جنہوں نے لوور میوزیم سے قیمتی شاہی…
اسلام آباد (ایم وائے کے نیوز ٹی وی) ترجمان دفتر خارجہ شفقت علی خان نے ہفتہ وار پریس بریفنگ کے…
وفاقی وزیر توانائی اویس لغاری نے ایک بڑے انکشاف میں بتایا ہے کہ پاکستان آئندہ دو ماہ میں توانائی کے…