زاد کشمیر: تیسرے مرحلے کے انتخابات کے شیڈول میں تبدیلی، پونچھ اور سدھنوتی میں پولنگ ملتوی
**مظفرآباد:** آزاد کشمیر میں ہونے والے تیسرے مرحلے کے انتخابات کے شیڈول میں تبدیلی کر دی گئی۔
آزاد کشمیر الیکشن کمیشن نے ضلع پونچھ اور ضلع سدھنوتی میں انتخابات ملتوی کرنے کا اعلان کر دیا ہے۔
پرانے انتخابی شیڈول کے مطابق پونچھ ڈویژن کے چار اضلاع کی 11 نشستوں پر تیسرے مرحلے میں پولنگ ہونا تھی، تاہم الیکشن کمیشن آزاد کشمیر کے مطابق اب تیسرے مرحلے میں باغ اور ضلع حویلی میں انتخابات ہوں گے۔
الیکشن کمیشن کے مطابق پونچھ ڈویژن کے دو اضلاع میں انتخابات مقررہ شیڈول کے مطابق ہوں گے جبکہ دو اضلاع میں پولنگ ملتوی کر دی گئی ہے۔
خیال رہے کہ آزاد کشمیر میں پہلے مرحلے کے انتخابات **27 جولائی** کو جبکہ دوسرے مرحلے کے انتخابات **2 اگست** کو منعقد ہوئے تھے۔
اب تیسرے مرحلے کے انتخابی شیڈول میں تبدیلی کے بعد باغ اور ضلع حویلی میں انتخابات ہوں گے، جبکہ پونچھ اور سدھنوتی میں نئی تاریخ کا اعلان بعد میں کیا جائے گا۔
