وفاقی حکومت نے 10 لاکھ ٹن گندم درآمد کرنے کی منظوری دے دی
اسلام آباد: وفاقی حکومت نے ملک میں گندم کی ضرورت پوری کرنے کے لیے 10 لاکھ ٹن گندم درآمد کرنے کی منظوری دے دی۔
وفاقی وزیر نیشنل فوڈ سکیورٹی رانا تنویر حسین کے مطابق گندم کی درآمد سرکاری شعبے کے ذریعے ہوگی یا نجی شعبے کو درآمد کی اجازت دی جائے گی، اس بارے میں کابینہ کی اقتصادی رابطہ کمیٹی (ای سی سی) آئندہ ہفتے حتمی فیصلہ کرے گی۔
رانا تنویر حسین نے بتایا کہ وزیراعظم شہباز شریف کی زیر صدارت آئندہ ہفتے گندم کی درآمد سے متعلق حتمی فیصلہ کیا جائے گا۔
وفاقی وزیر کے مطابق صوبوں نے گندم کی اپنی ضروریات سے بھی آگاہ کردیا ہے۔ پنجاب نے 8 لاکھ ٹن، سندھ نے 7 لاکھ ٹن جبکہ خیبر پختونخوا نے 5 لاکھ ٹن گندم کی ضرورت ظاہر کی ہے۔
