بجلی فی یونٹ 3 ماہ تک 1.34 روپے مہنگی ہونے کا امکان
اسلام آباد: سہ ماہی ایڈجسٹمنٹ کے تحت بجلی کے صارفین کے لیے فی یونٹ بجلی 3 ماہ تک ہر ماہ 1 روپے 34 پیسے مہنگی ہونے کا امکان ہے۔
نیشنل الیکٹرک پاور ریگولیٹری اتھارٹی (نیپرا) نے بجلی کی تقسیم کار کمپنیوں کی جانب سے صارفین پر 34 ارب روپے کا اضافی بوجھ منتقل کرنے کی درخواست پر فیصلہ محفوظ کرلیا ہے۔
ذرائع کے مطابق سہ ماہی ایڈجسٹمنٹ کے تحت بجلی کے نرخ میں آئندہ تین ماہ کے دوران ہر ماہ 1 روپے 34 پیسے فی یونٹ اضافہ کیا جاسکتا ہے۔
ذرائع کا کہنا ہے کہ نیپرا درخواست کی مکمل جانچ پڑتال اور متعلقہ اعداد و شمار کا جائزہ لینے کے بعد حتمی فیصلہ جاری کرے گا۔
