کراچی: سینیٹ کی قائمہ کمیٹی برائے صحت کا اجلاس پیر کو پمز اسپتال میں ہوگا
سینیٹ کی قائمہ کمیٹی برائے صحت نے پیر کو پمز اسپتال میں ہی اجلاس منعقد کرنے کا فیصلہ کرلیا۔
کمیٹی کے چیئرمین عامر چشتی نے جیو نیوز سے گفتگو کرتے ہوئے بتایا کہ پمز اسپتال کے دورے کے بعد قائمہ کمیٹی کا اجلاس بھی وہیں منعقد کیا جائے گا۔
انہوں نے کہا کہ پیر تک تحقیقاتی کمیٹی کی رپورٹ بھی موصول ہوجائے گی، جس کا اجلاس کے دوران تفصیلی جائزہ لیا جائے گا۔
عامر چشتی کے مطابق اجلاس میں پی ٹی آئی کے سینیٹرز کو بھی شرکت کی دعوت دی گئی ہے۔
