بنگلادیش کا شاندار کم بیک، پاکستان 274 رنز پر ڈھیر
راولپنڈی کرکٹ اسٹیڈیم میں جاری وسرا ٹیسٹ میچ میں بنگلادیش نے پاکستان کو 274 رنز پر آؤٹ کر کے شاندار کم بیک کیا۔ بنگلادیش کی باؤلنگ نے شاندار کارکردگی کا مظاہرہ کرتے ہوئے پاکستانی بیٹرز کو ناکام کر دیا۔
بنگلادیش کے باؤلرز نے میچ میں نمایاں کارکردگی دکھائی۔ مہدی حسن میراز نے پانچ وکٹیں حاصل کیں، تسکین احمد نے تین وکٹیں لیں جبکہ شکیب الحسن اور ناہین رانا نے ایک ایک وکٹ حاصل کی۔ ان کی محنت اور عمدہ باؤلنگ نے پاکستان کی بیٹنگ لائن کو مکمل طور پر مشکلات میں ڈال دیا۔پاکستانی ٹیم کا آغاز مشکل رہا۔ عبداللہ شفیق صفر پر آؤٹ ہو گئے۔ کپتان شان مسعود اور صائم ایوب نے ایک شاندار 107 رنز کی شراکت قائم کی، مگر شان 57 اور صائم 58 رنز بنا کر پویلین لوٹ گئے۔ مڈل آرڈر میں سعود شکیل نے 16، بابر اعظم نے 31، محمد رضوان نے 29 اور آغا سلمان نے 54 رنز بنائے۔ خرم شہزاد، محمد علی اور ابرار احمد کی کارکردگی بھی مایوس کن رہی۔
بنگلادیش کے کپتان نجم الحسین شانتو نے ٹاس جیت کر پہلے فیلڈنگ کا فیصلہ کیا۔ انہوں نے کہا کہ ان کی کوشش ہے کہ پاکستان کو جلد آؤٹ کر کے برتری حاصل کی جائے۔
دونوں ٹیموں کے درمیان پہلے روز کا کھیل مسلسل بارش اور گیلی آؤٹ فیلڈ کی وجہ سے ختم کر دیا گیا تھا، جس کی وجہ سے ٹاس بھی ممکن نہیں ہو سکا۔
کپتان شان مسعود، نائب کپتان سعود شکیل، صائم ایوب، عبداللہ شفیق، وکٹ کیپر محمد رضوان، بابر اعظم، سلمان علی آغا، نسیم شاہ، خرم شہزاد، محمد علی، ابرار احمد اور میر حمزہ۔بنگلادیش: کپتان نجم الحسین شانتو، شادمان اسلام، ذاکر حسن، مومن الاسلام، لٹن داس، مہدی حسن میراز، مشفق الرحیم، تسکین احمد، شکیب الحسن، حسن محمود اور ناہید رانا۔
