قومی ویمن کر ٹ ٹیم کی اہم کھلاڑی جویریہ رؤف نے انٹرنیشنل کرکٹ سے ریٹائرمنٹ کا اعلان کر دیا ہے۔قومی ویمن کرکٹر جویریہ رؤف نے 2012 میں آئی سی سی ویمنز ٹی ٹوئنٹی ورلڈ کپ کے دوران جنوبی افریقہ کے خلاف ٹی ٹوئنٹی کریئر کا آغاز کیاتھا۔
جویریہ رؤف نے اپنا پہلا ون ڈے انٹرنیشنل 2013 میں آئرلینڈ کے خلاف کھیلا تھا۔جویریہ رؤف نے 2013 سے 2021 کے درمیان چار ون ڈے اور تیرہ ٹی ٹوئنٹی انٹرنیشنل میچ کھیلے ہیں۔
جویریہ رؤف نے ریٹائرمنٹ کا اعلان کرتے ہوئےکہا کہ پرانی یادوں اور شکریہ کے جذبات کے ساتھ میں بین الاقوامی کرکٹ سے ریٹائرمنٹ کا اعلان کر رہی ہوں۔ انہوں نے کہا کے اتار چڑھاؤ کے ساتھ یہ ایک اچھا سفر رہا ہے۔ انہوں نے کہا کہ میں اپنے ملک کی اعلیٰ ترین سطح پر نمائندگی کرنا ایک اعزاز سمجھتی ہوں اور میں پاکستان کرکٹ بورڈ کی شکر گزار ہوں جس نے مجھے یہ تمام مواقع فراہم کیے کہ میں عالم سطح پر اپنے ملک کی نمائندگی کرر سکوں۔
دوسری جانب ٹی ٹونٹی میں محمد رضوان کیپٹن شاہین کے نائب ہوں گے۔ نیوزی لینڈ کے خلاف ٹی20 سیریز کھیلنے کے لیے قومی ٹیم کا اسکواڈ تیاریوں میں مصروف ہے ۔قومی ٹیم کا سکوارڈ سڈنی سے براہ راست انگلینڈ پہنچ چکا ہے۔ تفصیلات کے مطابق پاکستان کے وکٹ کیپر اور بیٹر محمد رضوان کو ٹی20 ٹیم کا نائب کپتان بنا دیا گیا ہے۔
