مذہبی تہوار کے پوسٹر پر میا خلیفہ کی تصویر سوشل میڈیا پر تہلکہ

مذہبی تہوار کے پوسٹر پر میا خلیفہ کی تصویر سوشل میڈیا پر تہلکہ

بھارتی ریاست تامل ناڈو کے ضلع کانچی پورم میں ایک مذہبی تہوار کے پوسٹر پر سابق فحش فلموں کی اداکارہ میا خلیفہ کی تصویر شامل کیے جانے پر شدید ہنگامہ برپا ہوگیا۔ یہ واقعہ ‘آدی’ تہوار کے موقع پر پیش آیا، جس دوران دیوی پاروتی کی پوجا کی جاتی ہے اور تامل ناڈو کے مختلف مندروں میں بڑی تقریبات منعقد کی جاتی ہیں۔

کوروویملائی میں منعقد ہونے والے اس تہوار کے لیے ناگتھمن اور سیلیامان مندروں کے قریب لگائے گئے ہورڈنگز میں ایک ایسا پوسٹر بھی شامل تھا جس میں میا خلیفہ کی تصویر کو دیوتاؤں کی تصویروں کے ساتھ دکھایا گیا تھا۔ تصویر کو اس طرح ایڈٹ کیا گیا تھا کہ میا خلیفہ کو دودھ کا برتن اٹھائے ہوئے دکھایا گیا، جو تہوار کے روایتی چڑھاوے کا حصہ ہوتا ہے۔

اس غیر متوقع پوسٹر نے علاقے میں تنازعہ کھڑا کر دیا، اور سوشل میڈیا پر تصویر وائرل ہونے کے بعد علاقے میں لوگوں میں غم و غصہ پھیل گیا۔ حالات کی سنگینی کو دیکھتے ہوئے پولیس نے موقع پر پہنچ کر فوری طور پر ہورڈنگ کو ہٹا دیا۔

یہ بات قابل ذکر ہے کہ میا خلیفہ نے فحش فلموں کی صنعت کو چھوڑ دیا ہے اور ماضی میں ایک انٹرویو کے دوران انہوں نے نوجوان لڑکیوں کو اس صنعت سے دور رہنے اور اس طرح کی پیشکشوں سے بچنے کا مشورہ دیا تھا۔