امریکہ میں دلچسپ واقعہ ،سیگل پرندے نے اڑان بھر کر بٹوا چرالیا

امریکہ میں دلچسپ واقعہ ،سیگل پرندے نے اڑان بھر کر بٹوا چرالیا

امریکا کی ریاست میساچوسٹس میں ایک دلچسپ واقعہ پیش آیا جب ایک سیگل پرندہ ایک شخص کا بٹوا چُرا کر اُڑ گیا۔ نووا کاربرگ نامی شخص نے بتایا کہ وہ ساحل پر کچھ وقت گزارنے کے بعد ایک مقامی اسٹور سے خریداری کر کے باہر نکل رہا تھا۔ چونکہ وہ شرٹ اور شارٹس میں تھا، اس لیے اس کے لباس میں کوئی جیب نہیں تھی اور اس نے اپنا بٹوا ہاتھ میں ہی پکڑا ہوا تھا۔

کاربرگ کے مطابق، اس نے اپنا بٹوا اور فون شاپنگ کارٹ کے اوپر رکھے ہوئے تھے جب اچانک ایک سیگل پرندہ اُڑتا ہوا آیا اور بٹوا منہ میں دبا کر فوراً اُڑ گیا۔ یہ سارا واقعہ کاربرگ کے سامنے پیش آیا اور وہ حیرت زدہ رہ گیا کیونکہ وہ کچھ بھی کرنے سے قاصر تھا۔