آسٹریلیا میں واقع ایک اسکول نے عالمی سطح پر فلک بوس عمارتوں، عجائب گھروں، اور ہوائی اڈوں جیسے عظیم ترین ڈھانچوں کو پیچھے چھوڑتے ہوئے دنیا کی سب سے خوبصورت عمارت کا اعزاز حاصل کیا ہے۔
ڈارلنگٹن پبلک اسکول نے ورلڈ بلڈنگ آف دی ایئر 2024 کا اعزاز اپنے نام کیا۔ سڈنی کے مضافاتی علاقے چپپینڈیل میں واقع یہ اسکول، سنگاپور میں ہونے والے ورلڈ آرکیٹیکچر فیسٹیول میں 220 سے زائد شارٹ لسٹ کی جانے والی عمارتوں کو شکست دے کر یہ عالمی ایوارڈ جیتنے میں کامیاب رہا۔
یہ اسکول پچھلے موسم خزاں میں کھولا گیا تھا اور اسے اینٹوں سے تعمیر کیا گیا ہے۔ اسکول کی چھت میں خاص طور پر ایک "ساؤ ٹوتھ” ڈیزائن استعمال کیا گیا ہے جس میں بیرونی جگہیں تزئین کی گئی ہیں، جن میں ایک بڑا باسکٹ بال کورٹ اور کمیونٹی گارڈن شامل ہیں۔ اس کے علاوہ، خم دار دھاتی اسکرینیں چھتوں کی ایک سیریز کو ڈھانپے ہوئے ہیں جو طلباء کی رازداری کا تحفظ کرتے ہوئے قدرتی روشنی کو فلٹر کرتی ہیں۔
اس اسکول کے نئے ڈیزائن کے پیچھے fjcstudio نامی فرم کا ہاتھ ہے، جس نے اس اسکول کی پرانی عمارت کو تبدیل کرکے اسے ایک جدید اور دلکش ماحول میں ڈھال دیا۔
ہیڈ لائنز:
اسلام آباد: وفاقی کابینہ نے متفقہ طور پر مذہبی جماعت تحریک لبیک پاکستان (ٹی ایل پی) کو انسدادِ دہشتگردی ایکٹ…
اسلام آباد پولیس کے سینئر افسر ایس پی انڈسٹریل ایریا عدیل اکبر کی مبینہ خودکشی کی خبر نے دارالحکومت کی…
فرانسیسی پولیس نے منگل کے روز اُن چوروں کی تلاش تیز کر دی جنہوں نے لوور میوزیم سے قیمتی شاہی…
اسلام آباد (ایم وائے کے نیوز ٹی وی) ترجمان دفتر خارجہ شفقت علی خان نے ہفتہ وار پریس بریفنگ کے…
وفاقی وزیر توانائی اویس لغاری نے ایک بڑے انکشاف میں بتایا ہے کہ پاکستان آئندہ دو ماہ میں توانائی کے…