ریاض(ویب ڈیسک) رواں سال 65 سال سے زائد عمر کے افراد حج نہیں کر سکیں گے تاہم عازمین کو کورونا ویکسینیشن کی خوراک مکمل کرنی ہوگی۔
تفصیلات کے مطابق سعودی وزارت حج و عمرہ نے رواں سال حج کے لیے عمر کی حد کا اعلان کر دیا ہے۔ سعودی حکام نے کہا ہے کہ 65 سال سے زائد عمر کے افراد حج نہیں کر سکیں گے۔
سعودی وزارت حج و عمرہ نے کہا کہ عازمین کو کورونا ویکسینیشن کی خوراک مکمل کرنی ہوگی اور غیر ملکی عازمین کو تاج پوشی سے 72 گھنٹے قبل ٹیسٹ رپورٹ جمع کرانی ہوگی۔
حجاج کرام کو حج کے دوران احتیاطی تدابیر اختیار کرنا ہوں گی۔ اس سال دنیا بھر سے حجاج کرام کی تعداد 10 لاکھ تک ہوگی۔ یہ تعداد اسلامی ممالک کو دیے گئے کوٹے کے مطابق ہے۔
خیال رہے کہ سعودی وزارت حج و عمرہ نے خبردار کیا تھا کہ سعودی شہری اور مملکت میں مقیم غیر ملکی مشکوک ویب سائٹس پر توجہ نہ دیں۔
وزارت حج و عمرہ نے کہا کہ سعودی عرب نے کورونا کے بعد پہلی بار رواں سال عازمین کی تعداد میں اضافے کا فیصلہ کیا ہے۔ ڈیڑھ لاکھ ملک کے اندر سے ہوں گے۔
