لبنان کی سرنگ میں دھماکا؛ 2 کمانڈرز سمیت 4 اسرائیلی فوجی ہلاک

لبنان کی سرنگ میں دھماکا؛ 2 کمانڈرز سمیت 4 اسرائیلی فوجی ہلاک

لبنان میں ایک سرنگ میں سرچ آپریشن کے دوران دھماکے سے 4 اسرائیلی فوجی ہلاک ہوگئے، جن میں ایک کمپنی کمانڈر اور ایک پلاٹون کمانڈر بھی شامل ہیں۔

عالمی خبر رساں ادارے کے مطابق ہلاک ہونے والے اہلکاروں کے نام ایوگینی زینرشائن، زکرون یعقوب، بنیامین ڈیسٹاو نیگوز اور اریز بن افراہیم ہیں، جن کی عمریں 21 سے 43 سال کے درمیان تھیں۔ یہ تمام اہلکار 226 ویں ریزرو پیرا ٹروپرز بریگیڈ کی 9263 ویں بٹالین کا حصہ تھے۔

یہ واقعہ اس وقت پیش آیا جب لبنان کے جنوبی علاقے میں ایک سرنگ میں سرچ آپریشن کے دوران دھماکا خیز مواد پھٹ گیا۔

اسرائیلی فوج نے تصدیق کی ہے کہ یہ حادثہ تھا اور دھماکا حزب اللہ کے بوبی ٹریپ کا نتیجہ نہیں تھا۔ واقعے کی مکمل تحقیقات کی جا رہی ہیں۔