ریاض (ایم وائے کے نیوز) سعودی شاہی خاندان کے بزرگ رکن، شہزادہ فیصل بن ترکی بن سعود الکبیر آل سعود انتقال کر گئے۔ ان کے انتقال کی خبر باقاعدہ طور پر سعودی عرب کے ایوانِ شاہی کی جانب سے جاری کی گئی ہے۔
سرکاری خبر رساں ایجنسی ایس پی اے کے مطابق شہزادہ فیصل بن ترکی کی نمازِ جنازہ آج بعد نمازِ عصر سعودی دارالحکومت ریاض کی معروف امام ترکی بن عبداللہ مسجد میں ادا کر دی گئی۔ ایوانِ شاہی نے مرحوم شہزادہ کے لیے دعائے مغفرت کرتے ہوئے ان کے درجات کی بلندی کی دعا کی ہے۔ شاہی خاندان اور عوامی سطح پر ان کے انتقال پر گہرے دکھ اور افسوس کا اظہار کیا جا رہا ہے۔
